خطايى ، على اكبر
400
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
دخى بش آلتى عددينك باشلرينى بر اوزون تختهدن طشره آليقومشلردى . و هر برينك صاچندن بر آدم طوتوب پادشاهك حكمنه منتظر ايدى . پادشاه بعضيلرينى زندانه امر ايدوب بعضيلرينك قتلنه فرمان ايلدى . مجموع ممالك ختايك والى و ضابطلرى بر كيمسهيى قتله قادر اولمايوب بر ييللق مسافهده دخى بر مجرمك كناهى نه ايسه بر تخته پارهسنه يازوب بويننه آصارلر و آيينلرنده كناهنك تحملنه كوره زنجير و بويندرق ايله تا خان بالغه ارسال ايدرلر . مجرملر ايشى تمام اوليجق ايلچيلرى پادشاهك تختنه اون بش زراع قدر محله دكين كوتورديلر . اللرنده تخته طوتوب طوران امرادن بريسى كلوب ديز چوكوب و ختايى خط ايله ايلچيلرك احوالنى يازوب و اوقودى . مضمونى بوايديكه ايراق يولدن خاقان خلافت پناه و اوغللرى طرفلرندن ايلچيلر در و پادشاه ايچون هديهلر كتوروب پايهء سرير بادشاهه باش قوماغه كلمشلردر . امراى توماندن مولانا قاضى يوسف كه عربى و فارسى و تركى و مغولى و ختايى و كلمجن لسانلرينى بيلوب پادشاهه مقرب و اون ايكى ديوانك بريسى كندويه متعلق ايدى . بر قاچ عربى و فارسى بيلور مسلمانلر ايلهكه آكه تابع ايديلر . ايلچيلرك يانلرينه كلوب اولا قديكزى دو تا ايدوب بعده اوچ كره باشكزى يرهقويك ديدى . ايلچيلر دخى اوچ كره باشلرينى يره قوركى اولوب آلنلرينى يره قوماديلر . بعده جانب پادشاهه